Kolashini është një vendbanim në Mal të Zi.

Origjina dhe kuptimi i fjalës Kolashin nuk dihet. Një hipotezë e lidh atë me Dukën me emrin Kolashin i cili themeloi vendbanimin. Një tjetër hipotezë thotë se ndoshta Kolashini nga dekreti i sulltanit ishte i njëjti Kolashin i gjetur në traditën gojore dhe në vendbanimin e Dukës Kolashin.

Me pjesën e madhe të saj, zona e komunës është e vendosur në zonën kufitare të zonës nëntropikale dhe të butë klimatike. Ky lloj i klimës mesatare pasqyrohet me verë relativisht të thatë dhe paksa më të shkurtër. Në luginën e lumit Moraça ju mund të ndjeni ndikimin e Mesdheut dhe tiparet klimatike të kësaj zone që janë kryesisht të kushtëzuara me lartësi të tokës dhe praninë e maleve të larta që izolojnë rrymat nga jugu.

Kolashini është një nga qendrat e turizmit malor malazez. Ajo ka përparësinë e të qënit lehtësisht i arritshem me rrugë dhe hekurudhë. Kolashini ndodhet në këmbët e maleve Bjelasica dhe Sinjajevina, të cilat ofrojnë kushte të shkëlqyera për ski. Për shkak të lartësisë së Kolashinit (954 m), qyteti konsiderohet një banjë ajrore.

Parku Nacional "Biogradska Gora" është në afërsi të qytetit dhe konsiderohet si një atraksion turistik i lartë. Zhvillimi i Kolashinit si një destinacion turistik është forcuar nga hapja e Bianca Resort & Spa, një vendpushim luksoz në qendër të qytetit. Biogradska gora është nën mbrojtjen e rreptë të shtetit për një kohë të gjatë dhe pranë tre parqeve të tjera kombëtare në Mal të Zi ajo ofron një sërë ngjarjesh që mund t'ju prezantojnë edhe më mirë me historinë dhe natyrën e kësaj zone.

Momumenti qendror i gjithë parkut kombëtar është liqeni fantastik i Biogradit, i cili në sipërfaqe prej rreth 23.000 m2 gjendet në lartësinë prej 1094 metra lartësi mbi nivelin e detit. Rreth tij ka shtigje ku mund të kalosh në këmbë.